Dalawang Liham ni Ronzkie Pacho-Vidal

Dahil Valentine’s Day ngayon, naisipan kong i-review itong komiks na “Dalawang Liham” ni Ronzkie Pacho-Vidal. Nabili ko noong nakaraang Komikon Baguio. P60 bawat kopya pero P100 na lang pag binili mo yung 1 at 2.

Kuha ni Kristopher Dimaano Garello

Nung una, medyo nalito ako sa covers. Akala ko isang issue lang ito kasi sobrang similar yung concept at execution. Pero kung titignang maigi, mga bata pala yung nasa cover ng #1 at mas matured naman yung nasa #2. Sa back cover naman, nakalagay ang description ng kwento: “A story about a right love at the wrong time.” Muntik akong mapakanta. Hahaha!

Artwise, sobrang impressive nitong gawa ni Ronzkie. Ganda ng pencil work. Naaaliw akong tignan yung mga stroke nya sa buhok. Napaka-elegante hehe. Astig din ng details lalo na pag yung puno ang dino-drowing nya.

Eto yung sample ng isang panel nya:

Storywise, nakakawiling basahin yung kwento. Tsaka ang galing ni Ronzkie managalog. Natural na natural ang mga bitaw kahit medyo poetic ang ilang linya. Magaling din sya mag-express ng emosyon ng character. As a reader, mas madali ma-imagine yung nararamdaman ng characters pag magaling ang wordings. Ganun ang naramdaman ko habang binabasa ko ito.

Maganda rin yung idea ni Ronzkie na maglagay ng sulat (as in liham) sa dulo ng bawat issue. As in merong maliit na sobre at pink na papel na bubuksan mo pagkatapos mong basahin ang komiks. Kumbaga, hindi ka lang basta reader. Bigla kang magiging parte talaga ng kwento na para bang ikaw mismo yung character.

Weird lang siguro ako pero nag-alangan akong basahin yung sulat nung una. Feeling ko invasion of privacy hahaha! Nakakatawa yung letter (kudos sa Ninja Turtles reference) pero may kurot sa dulo. Magaling yung idea. Very effective.

Naging “instant fan” ako ni Ronzkie dahil dito sa Dalawang Liham. First time kong makabasa ng komiks nya at sigurado akong hindi ito ang huli. Bibili ulit ako next time ng mga gawa nya!


- Mark Rosario

Indieket Komiks Preview: Kalayaan #15

Kalayaan #15

Genre:  Superhero
Age Rating:  PG13
Story and Art:  Gio Paredes
Price:  65 Pesos
Publisher: GMP Comics

Sisikapin daw ni Gio Paredes na ihabol itong Kalayaan #15 sa Indieket.

Akalain mo yun? Naka-15 issues na pala so far si Kalayaan? Bilib talaga ako sa sipag at dedication ni Gio sa pagko-komiks. Hindi ako sigurado kung sya na ngayon ang may hawak ng record bilang "longest running indie comics series." Kung sakali man, hindi na rin siguro ako magugulat.

Bukod sa regular Kalayaan issues, nakapaglabas pa nga sya ng Kalayaan #0 (special introductory comic) plus Kalayaan Vol.1: A New Pinoy Superhero trade paperback (na available nationwide thru National Book Store). Sa ngayon, nag-i-ink pa nga sya para sa Bayan Knights #7 eh (i-discuss ko yan sa isa pang blog entry in the future).

Parang kelan lang nung nag-start ako bumili sa kanya (usually by mail ko natatanggap yung Kalayaan comics) at ngayon nasa 15 na sya. WOW! Kudos, Gio, for 15 issues!

Nawa'y magtuloy-tuloy pa ang Kalayaan at nawa'y dumami pa ang creators na kasing sipag mo - para dumami rin ang mas masayang mga readers gaya ko hehe!Ano ang dapat abangan for this issue?

1. Base sa cover, mukhang magiging mahangin ang issue na ito.

2. Sino nga kaya si Buhawi? Hero o villain? Member ba sya ng Parokya ni Edgar? Malalaman natin pag nabasa natin to hehe.. Sa blog entry ni Gio, magiging "one of the major characters" daw tong si Buhawi.

3. Base sa preview page na ito, mukhang patuloy si Gio sa pag-improve bilang artist. Yan yung isa sa gustong-gusto ko sa pagbabasa ng comics nya actually. Yung nakikita ko yung growth nya as writer and illustrator. Nakaka-inspire! Panalo sa details tong panel 1.

Bilhin ang Kalayaan #15 at iba pang Kalayaan issues sa table ni Gio Paredes ngayong darating na Komikon Indieket sa Bayanihan Center August 10, 2013.

- Mark Rosario

Indieket Komiks Preview: Mukat #10

Mukat #10
Genre:  Adventure/Fantasy
Age Rating:  All Ages
Story and Art:  Mel Casipit
Price:  40 Pesos
Publisher:  Pangalatoon Productions/ Frances Luna III

Art-wise, Baboy ang pinaka-favorite kong gawa ni Mel. Story-wise, dito ako sa Mukat. Nakakaiwiling basahin. Nakakatuwa yung mga characters at yung story mismo. Para kang nagbasa ng isang kwento sa Funny Komiks o nanoon ng isang episode ng anime. At congrats, Mel! Nakakasampung-issue na pala itong Mukat! Not bad considering na ginawa nya to way back estudyante days pa nya. Dati sa mga classmates nya lang shine-share. Ngayon, lumaki na ang following ng Mukat at isa na ito sa laging inaabangan ng mga buyers tuwing may convention. I'm sure pasunod na soon yung Mukat Vol. 2 compilation!

Ano ang dapat abangan for this issue?
1. According kay Mel, puno ng "action at revelation" ang issue na ito.
2. Bibida sa issue sina Jani at Sapok!
3. Personally, isa sa inaabangan ko tuwing merong bagong issue ng Mukat ay yung mga Pangasinense words na ginagamit nya bilang pangalan ng mga tao at mga lugar (Gurabis, Bambanu, Andila, Kulayot, etc). Napaka-random at nakakatawa lalo't tiga-Pangasinan din ako.

Kitakits sa Meganon table! Dun pu-pwesto si Mel Casipit ngayong darating na Komikon Indieket sa Bayanihan Center August 10, 2013.

- Mark Rosario

Bakemono High (Book One) by Elbert Or

Meet Max - a vampire who always gets bullied by classmates. Amy, a mummy who's a certified worry-wart. Chuck, a werewolf wearing what looks to me like a Charlie Brown get-up - and he's madly in love with Salem, a cute gothic witch.

Welcome to the world of Bakemono High!

Leaping straight from the pages of K-Zone magazine into its own compilation, Elbert Or's Bakemono High (Book One) is definitely a fun read!

I have nothing but praises for this wonderful all-ages treat. I enjoyed reading it from the first page to the last. Plus I have to admit that I love the cover so much. Believe it or not, merely staring at it never fails to make me smile! Yes, it has that kind of effect. Well at least to me hehe.. In fact, I swear I can hear a cheery song playing inside my head at times. Something that sounds a little like the Teen Titans theme!

Elbert’s stories are super fun. His illustrations are adorable and dynamic plus the expressions are well-pronounced. That's something I am hoping to develop in my own art. Looking and studying Elbert's work, I know I have a long way to go haha!

I felt kind lost though while reading the musical pages (or Bakemono High School Musical, as Elbert puts it). Sure, Elbert writes some wonderful lyrics but I am left to wonder how the actual melody goes. I wish there was a play button or something to help me appreciate these four pages better.

Also, I can’t help but wonder why the series isn't called Bakemono Elementary or Bakemono Nursery since the characters (and the topics) exactly aren't set on a high school setting. Well, I suppose Bakemono High just sounds catchier!

All in all, I’d say I am totally satisfied with this volume. This is definitely the kind of comic I will share with my son Yuri once he’s old enough to read. Having said that, the wait for the second book officially starts NOW!

- Mark Rosario

Summer Komikon 2013 Report

Eto yung report ko sa Summer Komikon as a fan and attendee.. Nagsulat rin ako ng maikling entry sa kabilang blog ko tungkol naman sa experience ko as a first time seller (ni-launch ko nga pala yung My Wife Is Pregnant comics sa event na ito).

Photo credits: Robin Rivero

Dumating kami nina Joy at baby Yuri sa Bayanihan Center around 10:30 am. Hardcore na yung pila that time. Abot na hanggang labas. Buti na lang nakapasok din kami agad. Pagpasok na pagpasok, si Omeng (Estanislao) agad ang nasalubong namin. Natuwa naman ako at may freebie agad kami haha! Binigyan nya kami ng kopya nung Summer Komikon situational cartoon nya. Sobrang ganda! Kasama kami nina Joy at Yuri sa poster. Papa-frame namin to for sure hehe!

Isa sa mga una kong binili e yung pinaka-aabangan kong Bake Mono High ni Elbert Or. Nakikita ko na dati yung sa K-Zone eh. Isa pa, sobrang fan ako ng artsyle ni Elbert. Bukod sa ma-entertain, isa sa purpose kaya ako bumili ng Bake Mono e para pag-aralan yung style nya haha! Masaya bumili kasi kasabay ko si Bien Del Rosario ng AdoboVerse. Kwentuhan kami tungkol sa komiks nya (na sobrang miss ko na rin). Try daw nya mag-release ng bago sa Indieket. Nice!

Maya-maya pa, nakita ko na yung dalawang komiks buddies ko na sina Danry at Kristopher. Sa wakas, nahawakan ko rin ang Batch 72 from Danry haha.. Kay Kris naman e yung Andong Agimat, Animen at FCBD Comics ng Comic Odyssey. Ansaya talaga pag merong kaswap ng komiks sa Kon.

Ikot-ikot pa. Tingin-tingin din. Si Joy, bumili rin ng komiks nya. Love Letter ni Reylee (Perti Ba Comics). Manga. Mukhang cute din hehe.. Ako, maya-maya pa e meron na rin akong Liga ni Likeman #1, Lakan at Makisig #3, Espiritista #1, Jacara Zar #2 tsaka yung colored giveaway sa Storylark table na "I Hate Mornings." Lupet, glossy ehehe! Astig din yung pinamigay ni Jon Zamar na Next Issue Anthology preview (na inabot ni Kris sa kin hehe). Very interesting! Anime ang tema. May mga time slot pa!

Isa sa mga highlight para sa kin e yung nakapagpa-sign ako ng Bully Saurus Rex kay Robert Magnuson. Lagi ko kasing binabasa yung book na yun kay Yuri mula pa nung 3 months old sya. Pinapirma ko para matuwa si baby pag laki nya. Ambait ni Robert. Kakawili kausap. Kaka-starstruck nga lang hahaha!

Well, siguro yung pinaka-highlight sa lahat e yung wedding proposal on stage. Antindi ni Omeng. Lalo ko syang naging idol. Rakistang-rakista haha! Nangako syang "ipaglalaba, ipagluluto at ipamamalantsa" si Ails. Ang naisagot na lang ni Ails (na halos hindi tumigil kakaiyak) eh "I want to spend the rest of my life with you." Woohoo! Sigawan ang lahat. Ako naman, maluha-luha kahit malayo kami sa stage (that time, ni hindi ko nga alam na sina Omeng at Ails yun). Basta natuwa lang ako para sa kanila. Sana sa Summer Komikon din sila mag-reception in the future hehehe...

Overall, sobrang saya nung Summer Komikon. Na-observe ko lang, sobrang daming tao. As in sobra! Kelangan na kayang lumipat sa mas malaking venue?.. Tsaka nga pala.. Natuwa ako na libre ang entrance ng mga bata hanggag 12 noon. Sana laging ganyan. Mas maganda nga kung permamente na at kung whole day. Para mas maraming bata na ma-hook sa pagbabasa ng komiks. Para mas lumaganap pa at maipasa sa susunod na generation yung hobby ng comics reading

 Salamat, Komikon, sa isang malupit na event. Salamat din, 7-11, para sa  Slurpee at sa mga The Hobbit cups ninyong puro Gollum naman haha! Oks lang libre naman :p


- Mark Rosario

Hands of the Dragon nina Jeffrey Marcelino Ong at Gilbert Monsanto (Black Ink Comics)

Sa wakas, nakabili ako ng Hands of the Dragon ng Black Ink Comics. Matagal ko nang gustong makita to dahil interesting yung mga preview nila online. Gilbert Monsanto fanboy rin kasi ako mula pagkabata. Isa pa, gusto kong suportahan ang Black Ink para magpatuloy sila sa paggawa at pag-distribute ng comics.

Unang-una, ang ganda ng cover. Drawing at kulay ni Gilbert. Gustong-gusto ko yung pagkagawa. Hindi nakakasawang tignan hehe.. Tsaka kumpara sa mga ibang cover ng Black Ink, tingin ko ito ang pinaka-catchy sa lahat.

Si Jeffrey Marcelino Ong naman ang writer ng book. Ang Hands of the Dragon ay umiikot sa kwento ni Xian Long na leader ng Zodiac Circle at ng estudyanteng si Ella. Sa dulo, magku-krus ang landas nila sa hindi inaasahang pamamaraan. English ang gamit ni Jeffrey sa book. Okay yung concept nya sa story. Nakakawiling basahin. Smooth yung pacing at transition. May tendency nga lang syang maging wordy at merong ilang pages na feeling ko, pwede namang wordless kagaya nito:

Gaya ng sabi ko kanina, si Gilbert Monsanto ang artist pero hindi sya nag-iisa rito. Tinulungan sya nina Renie Palo at Erico Calimlim (gray tones at effects) para mas gumanda ang black-and-white interior pages. Nakakatuwa rin kasi hindi ito gaya ng mga usual superhero stories na ginagawa ni Gilbert. Dito, mga dragon, leon, agila, at kung ano-ano pa ang dino-drowing nya. Napansin ko nga lang, hindi masyadong kasing detailed yung mga dragon nya rito kumpara sa gawa nya run sa Hellsword. Well, sabagay 64 pages kasi itong Hands of the Dragon at 16 pages lang yung sa Hellsword.

Page 11 ng Hellsword #1

All in all, nagustuhan ko ang Hands of the Dragon although admittedly, nabitin ako talaga. Tapos napailing na lang ako nung nakita kong Book 1 of 12 pala ito. Ibig sabihin, mahaba-habang bakbakan pa pala bago mabuo ang kwento. Gusto ko nang mabasa ang next issue agad hahaha!!

Gaya ng ibang comics ng Black Ink, P69.75 lang ang Hands of the Dragon.

Sobrang nakakatuwa itong ginagawa ng Black Ink. Affordable graphic novels na available nationwide sa National Book Store at Precious Pages stores. Susuportahan ko ito at iisa-isahin ko ang titles nila. Sana magtuloy-tuloy ito ng maraming-maraming taon pa. More power and more comics, Team Black Ink!


- Mark Rosario

Anak ng Tupang Itim ni Rommel Estanislao

Matagal ko nang gustong mabasa yung mga ibang gawa ni Rommel “Omeng” Estanislao. Lipad pa lang kasi ang meron ako. Binigyan nya ako ng kopya nung una ko syang nakilala sa Metro Comic Con. Eventually, nakabili rin ako ng Sulyap Anthology kaso Lipad rin ang kasama dun.

Buti na lang, ni-release ng Onward Publishing House ang compilation ng Anak ng Tupang Itim. Tuwang-tuwa ako nung available na ito sa National Book Store kaya binili ko agad. Somehow, iba yung saya ko pag nakakakita ako ng mga indie komiks na naka-display sa NBS. Nationwide distribution ang isa sa mga hurdles ng industriya sa ngayon at dahil sa mga publishing companies na gaya ng Onward, nabibigyan ng tsansa na makarating sa mas maraming readers ang mga magagandang komiks gaya nito.

Gaya ng sabi ko kanina, compilation itong book na ito. Napapaloob rito ang tatlong issues na ni-release na ni Omeng dati sa Komikon 2007 at 2010.  Ayon sa decription nya sa Tupang Itim Facebook page, “social and political satire” ang komiks na ito.

Kakaiba ang humor ni Omeng. Mahusay ang delivery. Yung iba, simpleng wordplay lang pero karamihan, mabigat ang mensahe. Sa unang chapter, nagustuhan ko yung Sign Boards, 7 Deadly Sins, at Leader Sheep. Natawa ako ng malakas run sa Sleeping Habit 1 and 2. Laugh trip din yung Carousel at Labada. Digital art ang gamit ni Omeng sa chapter 1 kaya mostly sa mga gawa nya rito, pang-wallpaper ang dating.  

Eto yung sinasabi kong Leader Sheep: 

Ganda, diba? Simple lang pero very symbolic at meaningful.

Artwise, nag-traditional naman si Omeng sa chapters 2 and 3, meaning pencil and ink ang ginamit nya. Plus pinaghalo na nya talaga ang words at drawings para maiparating yung mga mensahe nya. Kumbaga, mas komiks. Mas nagusuhan ko.

Sa chapter 2 (“Love Your Neighbor”), inupakan ni Omeng yung ilan sa mga masamang ugali ng Pinoy gaya ng pagiging inggetero, pambubulahaw sa kapitbahay gamit ang videoke, pagiging pintasero, at marami pang iba.

Enjoy naman yung chapter 3 (“Halo Halo Espesyal!”). Kung gusto mong makita sina Wolverine, Hulk, Ghost Rider, Flash, Superman, Human Torch at Magneto na Tupa version, ito na ang pagkakataon mo hehehe! Tapos may cameo pa si Bruho Barbero. Kaaliw! Pero gaya sa mga unang chapter, meron pa ring ilang mabigat na komentaryo si Omeng rito lalo na yung tungkol sa Idolatry na somehow, possible na maging offensive sa ilang mambabasa (well, depende na lang siguro kung ano ang religion at pananaw mo).

Overall, isa lang ang masasabi ko: matindi si Omeng. Ibang level.  Nagawa nyang mailagay nya yung Tupang Itim sa iba’t-ibang nakakaaliw at thought-provoking na mga sitwasyon. Cute at nakakatawa pero may aral.

Sana i-release din ng Onward yung iba pang mga gawa ni Omeng, lalo yung Love Story at Bruho Barbero. At sana maraming komiks readers na bumili nitong pocket-sized komiks na ito. 85 pesos lang! Available sa lahat ng NBS outlets. Sulit na sulit. Pramis!


- Mark Rosario

= = = = = = = = = = = = = = = = = = = = = = = = = = = = = = = = = = = = = = = = =  = 

Same thoughts lang kami ni Mark.  Konting dagdag lang ako.

Pocket-sized comics (kung malaki ang bulsa mo). Naalala ko dati nung pumunta ako sa isang tindahan sa Cubao Expo (namimiss ko na ang Sputnik). Naghahanap ako ng mga gawa ni Omeng. Tinanong ko kung nasan yung Anak ng Tupang Itim.  Ayun, nandun lang pala. Di ko napansin kase maliit.  Wala kase ako idea na maliit lang yun, hehe.

At ngayon, yun maliit na indie komiks na yun, Big time na ngayon.  Makikita na sya sa shelves ng National Bookstore.  WoooHoooo!!!..  Making a Big difference!

Eto ang favorite ko.  Leader Sheep 2/Lost Sheep:  Simple, pero talagang umukit sa puso ko. "You cannot lead if you are lost."  Napa-reflect ako rito.  Dami ko realization.... Sa apat na sheep na yan, hanggang ngayon tinitimbang ko parin kung sino ako, lahat kase nakaka-relate ako e. Awwww.

Isa pa sa notable para sakin ay yung IDOLATRY.  Gaya rin ng sabi ni Mark, some people might find it offensive.  Risky.  Well.....

 

Blah blah blah blah blah blah black black sheep...



- Kristopher Dimaano Garello

Indie Komiks Preview: Kalayaan #14 ni Gio Paredes

Nagulat at natuwa ako sa cover ng Kalayaan #14 ni Gio Paredes.

"Huwaw! Totoo ba to? Kalayaan at Adoboverse crossover? Asteeg!"

Kakaiba talaga si Gio. Pagkatapos ng matinding love story (issues 9 to 12) at malupit na bakbakan (issue 13), eto naman ang ihahain nya sa atin. Very unpredictable talaga ang direction ng komiks nya.

According kay Gio, cartoony ang artstyle na gagamitin nya rito. Nakatapos na nga raw sya ng 4 pages sa interiors tapos nasend na rin ni Bien Del Rosario (Adoboverse creator) sa kanya ang page 11. Exciting di ba? Plus interesting malaman kung pano magbe-blend ang story ni Kalayaan sa mundo ng Adoboverse. Actually, two years ago na raw mula nung nag-start sila ni Bien na planuhin tong crossover nato.

Aabangan ko to, for sure! Fan ako ni Kalayaan at matagal ko nang miss ang Adoboverse (naghihintay pa rin ako ng issue 3!). February 2013 daw ang release sabi ng cover.

Good luck sa inyong dalawa, Gio at Bien!

- Mark Rosario

Komikon Comics Creation Entries ni Mel Casipit

Ang komiks na ito ni Mel Casipit ay compilation ng mga isinali nyang gawa sa mga contest ng Komikon (at Summer Komikon) mula 2008 at 2009. Kumbaga, tatlong award-winning titles sa isang komiks lang. Astig di ba?

Baboy

Lagi kong ini-imagine kung ano kaya ang reaksyon ng mga judges nung una nilang makita itong entry nato sa comics creation contest. First time ni Mel sumali that time nung ginawa nya ang Baboy. Sigurado ako na sobrang bumilib sila sa bagitong si Mel Casipit. 

Artwise kasi, very raw, very gritty at very detailed ang approach ni Mel sa book na ito. Ramdam mo yung galit at lungkot ng main character kahit na walang dialogue ang buong story. Mahusay din ang panelling lalo na sa mga flashback scenes. Plus very strategic yung paggamit nya ng mga sound effects.

Gusto ko yung art style na gamit ni Mel dito. Bihira na nga lang makita ngayon sa mga bago nyang projects. Sabagay, nag-evolve na sya as an artist plus karamihan sa mga ginagawa nya lately e hindi kasing dark ng Baboy. Kahit na yung mismong sequel ng Baboy, medyo iba na yung style na gamit ni Mel. Sana magkaron ulit sya ng future title na babagay ulit sa ganiton ka-edgy na art style.

Eto yung paborito kong page ng Baboy. Lalo yung panel 2. Very dramatic!

Dog Style (Istilong Maaso)

Title pa lang, may kapilyuhan na. Pero wag ka! Very wholesome ang kuwento na to. Tungkol ito sa dalawang aso na sina Van (as in “Vantay”) at Honey. Ang kulit ng mga dialogue ni Mel rito. May soundtrack pa. Parang John Lloyd at Bea lang ahaha! Tawa ako nang tawa sa page na ito:

Bigla kong naalala yung pakiramdam ko nung grade 1 tuwing nakikita ko yung crush ko haha!

Kumpara sa Baboy, ibang-iba ang tirada ni Mel rito para sa art. Malinis at cartoony. Sarap nga sana kung full color e.

MLU (Madramang Lambingan sa Umaga)

Gaya ng Baboy, silent comic din ang MLU. Gaya ng Dog Style, love story ito tungkol sa isang “secret admirer” na nagging “knight in shining armor” (or “damsel in distress” ata hahaha!). Nakakatuwa yung delivery ni Mel sa story. Sobrang cute. Pati artstyle, cute din. Medyo similar sa Lucky Coin. Ang nagustuhan ko rito sa MLU, very expressive ang mga facial expression.

On a side note, mukhang mahilig si Mel sa buwan (as in moon). Bukod kasi sa cover, meron ding tig-isang panel na naka-highlight ang buwan bawat isa sa tatlong stories. Heheh.. Wala lang, napansin ko lang.   

Hanapin nyo si Mel sa mga convention. Available pa rin itong komiks nato sa table nya. Sabihin nyo sya na ni-rekomenda ko ito. Malay nyo, bigyan nya kayo ng discount haha!

- Mark Rosario